السياسة بغير طريقة

مرشحة عن المقعد الماروني في المتن على لوائح “كلنا وطني”، فكتوريا ناشطة سياسية ومدافعة عن حقوق المرأة، وهي عضو مجلس بلدي منتخبة في سن الفيل.

مين فيكتوريا الخوري زوين؟

بلشت نشاطي السياسي من وقت ما كنت ادرس بالجامعة اللبنانية، من ١٩٩٨ ساعدت بلدية سن الفيل بالمكننة وشاركت بانشاء المرصد الحضري بالاشتراك مع منظمة المدن العربية والاسكوا وكمّلت مسيرتي من خلال انتخابي عضو مجلس بلدي بال ٢٠٠٤ وال ٢٠١٦. تركيزي على اهمية التنمية المحلية والبعد الانساني والثقافي واهمية علاقة البلدية بالمواطنين، اهتمامي تمحور حول خلق اماكن عامة بيستفيد منها ولاد المنطقة متل المركز الثقافي، الحدايق العامة، ملاعب رياضية… والنشاطات يلي بتجمع كافة السكان متل عيد الجيران، اسبوع المطالعة، نشاطات رياضية، مخيمات صيفية، تنسيق مع المدارس والجمعيات، وغيرها من النشاطات الاجتماعية.
على الصعيد المهني، انا مستشارة ومدربة لعدة منظمات وجمعيات وبلديات في لبنان والدول العربية. بدرّب على عدة مواضيع منها صياغة السياسات والتخطيط الاستراتيجي والتنمية المحلية. أنا ام لبنانية، وكل شي بعملو بيتمحور حول أمان ومستقبل اولادنا.

شو هي اولوياتي؟

١. تأمين فرص عمل للشباب من خلال مشروع قانون يحفذ الشركات على توظيف الخرّيجين الجدد
٢. تأمين مساكن للشباب من خلال مشروع قانون “استأجر للتتملك” لمن هم ما دون عمر ال٣٥ سنة.
٣. محاربة الفساد من خلال مشروع قانون استرجاع الاموال المنهوبة.

مين كلنا وطني؟

#كلنا_وطني تحالف بيضم قوى المعارضة التغييرية الحقيقية على جميع الأراضي اللبنانية. شكّلنا لوايح في 9 دواير بتضم 66 مرشحة ومرشح من كافة الطوايف. بدنا قيام دولة مدنية، دولة الحقّ والقانون والحرية وتطبيق الدستور وفرض سيادة الدولة على كل مساحة الوطن. معركتنا وطنية من اجل نقل البلد من دولة المحاصصة لدولة القانون.

مين سبعة؟

#سبعة منصة سياسية لكل واحد منا يكون عندو دور ونقدر نساهم ببناء وطن مثل ما كلنا منحلم فيه، وطن نهائي لجميع ابنائه. سبعة سيادية بامتياز وممولة فقط من مواطنين لبنانيين وبترفض التبعية لاي محور خارجي. سبعة ملك المجتمع مش ملك زعيم او عائلة، سبعة هي محدلة المواطن لمواجهة محادل الزعماء. سبعة عمل سياسي مستدام مش حملة انتخابية.

البرنامج الإنتخابي

نضع الانسان صلب عملنا و نعطي سعادة المواطن ورفاهيته الاولوّية فوق كل اعتبار. ونعمل على تأمين مسار مسّهل وراقٍ للانسان منذ ولادته وحتى نهاية عمره.

التعهد

منتعهّد انو نكون صوت كل مواطن داخل البرلمان، منتعهد نكون بعاد عن الطائفية، وما نقبل نكون مرتهنين لأي دولة خارجية، منتعهد انو نسعى لدولة مدنية – دولة المواطنة ومنتعهد تطبيق الدستور بكامله حفاظاً على سيادة لبنان واستقلاله.

منلتزم ببرنامج سبعة ووضع المواطن ومصلحتو اولوية، مش المصالح الشخصية.

ايماناً منا انو ضروري نحافظ على شفافية تامة ونحارب الفساد المتفشي بالبلد، منتعهد انو نرفع السرية المصرفية عن حساباتنا والتصريح العلني عن ممتلكاتنا بلبنان وخارج لبنان والاستقالة من المجلس اذا صار في تمديد. واكيد منلتزم استرجاع الاموال المنهوبة لأنولبنان مش بلد فقير، لبنان تمّ نهبو.

ساعدو بالحملة

حملتنا قطعت شوط مهم، بس الطريق بعدها طويلة. هلأ هو الوقت المناسب لتدعمونا و نكمل للأمام وسوى نغير.

فيكن تساعدو بحملتنا بعدة طرق، مش بس بالمصاري… كل دعمه صغيرة أو مشاركه فيا تعمل فرق!

آخر الأخبار

آخر الأخبار عن الحملة الانتخابيه وعن لائحة كلنا وطني وفيكتوريا الخوري زوين بالمتن ولبنان

أنا عالسمع

إذا بدكن تتصلو فينا، أرسلو المعلومات بالإستمارة التالية ونحنا منرجع منحكيكن: